കഴിഞ്ഞു ഒന്ന് രണ്ടു വർഷങ്ങളായി ശാസ്ത്രലോകത്തു നിറഞ്ഞു നിൽക്കുന്ന ഒരു പദമാണ് Generative AI. നിർമിത ബുദ്ധിയുടെ വളർച്ചയിലെ ഏറ്റവും പുതിയ നാഴികക്കല്ലാണ് ജനറേറ്റീവ് AI. പരീക്ഷണ ശാലകളിൽ നിന്നും സാധാരണക്കാരന്റെ കൈകളിലേക്ക് AI യെ എത്തിക്കാൻ Generative AI വളരെയധികം സഹായിച്ചു. ChatGPT യോ Midjourney യോ Meta AI യോ ഉപയോഗിക്കാത്തവർ ഇന്ന് വിരളം. മനുഷ്യർ സംസാരിക്കുന്നത് പോലെ, അല്ലെങ്കിൽ ഏതെങ്കിലും ഒരു വിഷയത്തിലെ വിദഗ്ധർ സംസാരിക്കുന്നത് പോലെ ഉള്ള മറുപടികൾ തരാൻ ഇന്ന് ChatGPT പോലുള്ള ടൂളുകൾക്ക് കഴിയുന്നുണ്ട്. ഉയർന്ന നിലവാരത്തിലുള്ള ഒറിജിനലിനെ വെല്ലുന്ന ചിത്രങ്ങളും വിഡിയോകളും ഉണ്ടാക്കി തരാനും ഇന്ന് Generative AI ടൂളുകൾക്ക് കഴിയുന്നു.